19 Mi save olsem sapos mi no yusim strong bilong mi long kirapim king bilong Isip,+ em bai i no inap larim yupela i go. 20 Olsem na long han bilong mi bai mi mekim ol mirakel na mekim save long ol Isip. Na bihain long dispela, king bai larim yupela i go.+

6 Orait Jehova i tokim Moses olsem: “Nau bai yu lukim samting mi bai mekim long Fero.+ Long strong bilong mi, mi bai mekim em i larim ol manmeri bilong mi i go. Na long strong bilong mi, mi bai mekim em i rausim yupela long kantri bilong em.”+

8 Orait ol i bringim Moses na Aron i kam bek long Fero, na em i tokim tupela olsem: “Go, lotuim Jehova, God bilong yupela. Tasol mi laik save husat bai go?” 9 Na Moses i bekim tok olsem: “Mipela bai go wantaim ol yangpela, ol lapun, ol pikinini man, ol pikinini meri, ol sipsip, na ol bulmakau bilong mipela,+ long wanem, mipela bai mekim wanpela bikpela bung bilong lotu long Jehova.”+ 10 Na Fero i tokim tupela olsem: “Ating sapos mi salim yupela na ol pikinini bilong yupela i go, dispela i makim olsem Jehova i stap wantaim yupela, a?+ Nogat tru! Mi save olsem yupela i tingting long mekim samting i nogut tru. 11 Olsem na mi no inap larim yupela olgeta i go. Yupela i laik lotuim Jehova, a? Orait mi bai larim yupela man tasol i go na lotuim em.” Na ol i rausim Moses na Aron long ai bilong Fero.