9 Na em i tokim tupela olsem: “Mi save olsem Jehova bai givim yupela dispela kantri,+ olsem na mipela i pret long yupela.+ Strong bilong olgeta manmeri bilong dispela kantri i pinis olgeta bikos long samting yupela bai mekim long ol,+ 10 long wanem, mipela i bin harim stori long hau Jehova i mekim Solwara Retsi i drai long ai bilong yupela taim yupela i lusim Isip.+ Na tu, mipela i harim stori long samting yupela i bin mekim long tupela king bilong ol Amor, em Sihon+ na Ok,+ em yupela i bin pinisim ol tru long hapsait* bilong Wara Jordan. 11 Taim mipela i harim ol dispela stori, mipela i pret tru long yupela* na mipela olgeta i no gat strong, long wanem, Jehova, God bilong yupela, em i God bilong heven na graun.+

5 Olgeta king bilong ol Amor+ i stap long hap wes* bilong Wara Jordan na olgeta king bilong ol Kenan+ i stap long arere bilong solwara, ol i harim olsem Jehova i bin mekim Wara Jordan i drai long ai bilong ol Israel i go inap ol i go long hapsait. Olsem na ol dispela king i pret tru*+ long ol Israel na strong bilong ol i pinis.+