17 Long ai bilong ol manmeri bilong Israel, dispela lait bilong Jehova i olsem bikpela paia i stap antap long het bilong maunten.

11 “Yupela i bihainim dispela tok na yupela i bin kam sanap long as bilong maunten na paia i kamap long maunten na i go antap tru long skai.* Na blakpela klaut na bikpela tudak+ i karamapim maunten. 12 Na Jehova i stap long dispela paia na i toktok long yupela.+ Yupela i harim ol toktok, tasol yupela i no lukim wanpela samting,+ yupela i harim nek tasol.+

7 Taim Solomon i beten pinis,+ paia i kam daun long heven+ na kukim ol ofa bilong paia i kukim olgeta na ol sakrifais, na bikpela lait bilong glori bilong Jehova i pulapim haus.+ 2 Na ol pris i no inap i go insait long haus bilong Jehova, long wanem, bikpela lait bilong glori bilong Jehova i pulapim haus bilong Jehova.+ 3 Na olgeta manmeri bilong Israel i lukluk i stap taim paia i kam daun na bikpela lait bilong glori bilong Jehova i kam i stap antap long haus, na ol i brukim skru na putim pes bilong ol i go daun long graun long floa na tok tenkyu long Jehova, “long wanem, em i gutpela; gutpela pasin laikim* bilong em i save stap oltaim oltaim.”