7 Olsem na i no longtaim na meri bilong bosman bilong Josep i aigris long em. Na em i tokim Josep olsem: “Kam slip wantaim mi.” 8 Tasol Josep i nolaik tru na em i tokim em olsem: “Bosman bilong mi i makim mi long bosim olgeta samting long dispela haus na em i no save wari long wanpela samting. Em i putim olgeta samting long han bilong mi. 9 Mi gat wankain namba long dispela haus olsem em yet. Na em i givim mi namba long bosim olgeta samting, tasol yu, nogat, long wanem, yu meri bilong em. Olsem na wai bai mi mekim dispela pasin nogut tru na mekim sin long ai bilong God?”+

18 “‘Yupela i no ken mekim pasin adaltri.*+

27 “Yupela i harim pinis dispela tok: ‘Yu no ken mekim pasin adaltri.’*+ 28 Tasol mi tokim yupela olsem man husat i wok long lukluk long wanpela meri+ na aigris long em, long bel em i mekim pinis pasin adaltri.+

9 Lo i tok, “Yu no ken mekim pasin adaltri,*+ Yu no ken kilim man i dai,+ Yu no ken stil,+ Yu no ken mangal,”+ ol dispela lo wantaim ol arapela lo, olgeta i insait long dispela wanpela lo: “Yu mas laikim ol arapela man olsem yu laikim yu yet.”+

18 Yupela i mas ranawe long pasin pamuk!*+ Olgeta arapela sin man i mekim, em i kamap ausait long bodi bilong em. Tasol man i save mekim pasin pamuk, em i mekim sin long bodi bilong em yet.+

4 Olgeta manmeri i mas tingim marit olsem samting i dia tumas. Marit i mas i stap klin,+ long wanem, God bai kotim ol manmeri i mekim pasin pamuk* na pasin adaltri.*+