2 Em* i kisim tret gol, blupela tret, pepol wul, retpela tret, na gutpela tret linen, na wokim ifot.*+ 3 Ol i paitim gol long hama na i kamap flet na ol i katim liklik liklik tru i kamap olsem tret na ol i bilasim long ifot em ol i bin wokim long blupela tret, pepol wul, retpela tret, na gutpela linen. 4 Na ol i wokim 2-pela liklik hap laplap bilong ifot em ol i samapim long 2-pela solda bilong joinim 2-pela laplap wantaim. 5 Ol i yusim ol wankain samting olsem bilong ifot na wokim belt bilong pasim ifot na bai em i stap stret long ples bilong en.+ Ol i kisim tret gol, blupela tret, pepol wul, retpela tret, na gutpela tret linen, na ol i wokim belt olsem Jehova i bin tokim Moses long en.