2 Na em i mas bringim i go long ol pris, em ol pikinini man bilong Aron. Na pris i mas kisim plaua i gat oil na frenkinsens long en long wanpela han na kukim long alta. Dispela liklik hap plaua i makim olgeta hap plaua+ dispela man i ofaim long God. Dispela em ofa ol i kukim long paia i kamapim gutpela smel i go long Jehova.

9 Na pris bai kisim liklik hap bilong dispela ofa bilong makim ofa olgeta+ em dispela man i ofaim long God na em bai kukim long alta. Dispela em ofa ol i kukim long paia i kamapim gutpela smel i go long Jehova.+

11 “‘Sapos dispela man i gat asua em i sot long mani na em i no inap long baim 2-pela wel pisin balus o 2-pela yangpela pisin balus, orait em i mas kisim 10 pesen bilong 1-pela ifa*+ bilong gutpela plaua na bringim i kam olsem ofa bilong tekewe sin bilong em. Em i no ken putim oil long en o putim frenkinsens* long en, long wanem, dispela plaua em i ofa bilong tekewe sin. 12 Em i mas bringim plaua i go long pris, na bai pris i kisim liklik hap plaua long han bilong em bilong makim olgeta plaua dispela man i ofaim long God. Na pris i mas kukim antap long ol ofa bilong Jehova em ol i kukim long paia long alta. Dispela em i ofa bilong tekewe sin.