Wastaua INTENET LAIBRERI
Wastaua
INTENET LAIBRERI
Tok Pisin
  • BAIBEL
  • Ol PABLIKESEN
  • Ol MITING
  • Kisim Bek 30:34-36
    Nupela Taim Trenslesen Bilong Ol Skripsa Holi
    • 34 Na bihain Jehova i tokim Moses olsem: “Yu mas kisim ol paura i gat gutpela smel na mak bilong ol wan wan i mas wankain.+ Yu mas kisim stakti,* onisa,* galbanum* paura na gutpela frenkinsens.* 35 Na kisim ol dispela paura na wokim paura bilong smok i gat gutpela smel.+ Yu mas miksim ol wantaim na wokim gut,* na yu mas putim sol+ na bai em i kamap gutpela na holi. 36 Yu mas paitim gut sampela bilong ol na bai ol i kamap paura. Na putim sampela bilong en long ai bilong Bokis Kontrak long haus sel bilong bung. Long dispela hap bai mi kamap long yu. Dispela paura i mas stap olsem samting i holi tru long yupela.

  • Revelesen 5:8
    Nupela Taim Trenslesen Bilong Ol Skripsa Holi
    • 8 Taim em i kisim skrol, dispela 4-pela samting i gat laip na 24 hetman+ i brukim skru klostu long Pikinini Sipsip. Olgeta wan wan hetman i holim wanpela harp* na wanpela dis gol i pulap long paura i gat gutpela smel. (Smok bilong en i makim ol beten bilong ol manmeri holi.)+

  • Revelesen 8:3-5
    Nupela Taim Trenslesen Bilong Ol Skripsa Holi
    • 3 Na narapela ensel i holim wanpela plet gol bilong kukim paura i gat gutpela smel, em i kam na sanap klostu long alta.+ Na ol i givim em planti paura+ bilong em i ken ofaim antap long alta gol+ i stap long ai bilong sia king, na em i mekim olsem taim God i harim ol beten bilong ol manmeri holi. 4 Na smok bilong paura i gat gutpela smel i lusim han bilong ensel na i go antap na beten+ bilong ol manmeri holi tu i go antap long God. 5 Na wantu dispela ensel i kisim sampela paia long alta na em i pulimapim long plet ol i save kukim paura i gat gutpela smel long en, na em i tromoi dispela paia i go daun long graun. Na tanda i pairap na ol nek i toktok na laitning i sut+ na graun i guria.

Tok Pisin Pablikesen (1983-2025)
Log Aut
Log In
  • Tok Pisin
  • Serim
  • Preferens
  • Copyright © 2025 Watch Tower Bible and Tract Society of Pennsylvania
  • Ol Lo Bilong Yusim
  • Privacy Policy
  • Ol Praivesi Seting
  • JW.ORG
  • Log In
Serim