17 Yupela i mas kilim i dai na pinisim tru ol manmeri bilong lain Hit, lain Amor, lain Kenan, lain Peris, lain Hivi, na lain Jebus,+ olsem Jehova, God bilong yupela, i bin tokim yupela. 18 Yupela i mas mekim olsem na bai ol dispela manmeri i no ken lainim yupela long bihainim ol stingpela pasin ol i save mekim long ol god bilong ol, na yupela bai mekim sin long Jehova, God bilong yupela.+

2 Ahas i gat 20 krismas taim em i kamap king, na em i stap king long Jerusalem inap 16 yia. Tasol em i no mekim ol pasin i stret long ai bilong Jehova, God bilong em, olsem tumbuna papa bilong em, Devit, i bin mekim.+ 3 Nogat. Em i bihainim pasin bilong ol king bilong Israel.+ Na tu, em i kukim pikinini man bilong em long paia.*+ Em i bihainim ol stingpela pasin bilong ol kantri+ em Jehova i bin rausim ol long ai bilong ol Israel.

21 Manase+ i gat 12-pela krismas taim em i kamap king, na em i stap king long Jerusalem inap 55 yia.+ Nem bilong mama bilong em, Hepsiba. 2 Em i mekim ol pasin nogut long ai bilong Jehova, na em i bihainim ol stingpela pasin bilong ol dispela lain manmeri+ em Jehova i bin rausim ol long ai bilong ol manmeri bilong Israel.+