18 “‘Yupela i no ken mekim pasin adaltri.*+

22 “Sapos yupela i painimaut olsem wanpela man i slip wantaim meri bilong narapela man, orait yupela i mas kilim i dai tupela wantaim, dispela man wantaim dispela meri.+ Yupela i mas mekim olsem na bai yupela i rausim dispela pasin nogut long Israel.

3 Olsem na sapos man bilong em i stap laip yet na meri i maritim narapela man, ol bai tok dispela meri i mekim pasin adaltri.*+ Tasol sapos man bilong em i dai, orait meri i no stap aninit moa long lo bilong man bilong em. Na sapos em i maritim narapela man, em i no mekim pasin adaltri.+

9 Ol man i no save bihainim stretpela pasin bai i no inap i go insait long Kingdom Bilong God. Ating yupela i no save long dispela, a?+ No ken giamanim yupela yet. Ol man i save mekim pasin pamuk,*+ lotuim ol imis,+ mekim pasin adaltri,*+ na ol man i orait long ol man i mekim pasin sem long ol,+ na ol man i slip wantaim ol man,+ 10 na ol stilman, ol gridi man,+ ol spakman,+ ol man bilong toknogutim ol arapela, na ol man bilong pulim ol samting bilong ol arapela, olgeta dispela kain man bai i no inap i go insait long Kingdom Bilong God.+