-
Aisaia 61:1, 2Nupela Taim Trenslesen Bilong Ol Skripsa Holi
-
-
61 Spirit bilong Nambawan Bikpela Jehova i stap long mi,+
Long wanem, Jehova i bin makim mi long autim gutnius long ol man i daunim ol yet.+
Em i bin salim mi i kam bilong oraitim ol man husat i bel hevi tru,
Bilong autim tok olsem ol man i stap kalabus ol i ken i go fri
Na bilong opim ai bilong ol man i stap kalabus,+
2 Bilong autim tok long yia bilong Jehova i mekim gut long ol manmeri
Na de bilong God bilong yumi long bekim rong,+
Na bilong mekim isi bel bilong olgeta man i krai sori,+
-
Luk 4:18, 19Nupela Taim Trenslesen Bilong Ol Skripsa Holi
-
-
18 “Spirit bilong Jehova* i stap long mi, long wanem, em i bin makim mi long autim gutnius long ol rabisman. Na em i salim mi i kam bilong autim tok olsem ol man i stap kalabus ol i ken i go fri na ol aipas i ken lukluk, na ol man ol arapela i daunim ol, hevi bilong ol i ken pinis,+ 19 na long autim tok long dispela haptaim bilong Jehova* long belgut long ol man.”+
-
-
Rom 8:20, 21Nupela Taim Trenslesen Bilong Ol Skripsa Holi
-
-
20 Olgeta samting God i bin wokim, ol i stap nogut na i bagarap,+ dispela i no kamap long laik bilong ol yet, nogat. Em i kamap long laik bilong God, bai ol i ken bilip na wet long taim 21 olgeta samting God i bin wokim bai lusim dispela kalabus bilong bagarap,+ na ol bai kisim dispela pasin bilong i stap fri i nambawan tru olsem bilong ol pikinini bilong God.
-
-
-