17 “Wai na yupela i no kaikai dispela ofa bilong tekewe sin long ples holi?+ Dispela ofa i samting holi tru na God i givim long yupela na bai yupela i pinisim sin bilong ol manmeri na karamapim sin bilong ol long ai bilong Jehova. 18 Harim! Yupela i no bin bringim blut bilong dispela ofa i go insait long ples holi.+ Olsem na wai na yupela i no kaikai dispela ofa insait long ples holi, olsem mi bin tokim yupela?”