• Josua 20:2, 3
    Nupela Taim Trenslesen Bilong Ol Skripsa Holi

    • 2 “Yu mas tokim ol Israel olsem, ‘Yupela i mas makim ol taun bilong hait+ olsem mi bin tokim yupela long rot bilong Moses, 3 na sapos man i no min o em i popaia na kilim i dai narapela man, orait em i ken ranawe i go long wanpela bilong ol dispela taun. Na ol dispela taun bai stap olsem ples hait bilong yupela na bai wanblut bilong man i dai* i no ken bekim dai bilong dispela man.+

  • Josua 20:7, 8
    Nupela Taim Trenslesen Bilong Ol Skripsa Holi

    • 7 Orait ol i givim ol dispela taun bilong mekim spesel wok, Kedes+ long Galili long ples maunten bilong Naptali, Sekem+ long ples maunten bilong Efraim, na Kiriat-arba,+ em Hebron, long ples maunten bilong Juda. 8 Na long graun bilong traib bilong Ruben long Jordan long hap is bilong Jeriko, ol i makim Beser+ long ples nating antap long fletpela hap bilong maunten. Na long graun bilong traib bilong Gat, ol i makim Ramot+ long Gileat. Na long graun bilong traib bilong Manase,+ ol i makim Golan+ long Basan.

  • Josua 21:27
    Nupela Taim Trenslesen Bilong Ol Skripsa Holi

    • 27 Na lain Gerson+ long ol famili long traib bilong Livai i kisim ol taun bilong hait em man i kilim i dai narapela man i ken go long en, long hap traib bilong Manase, em taun Golan+ long Basan wantaim ol graun i gat gutpela gras, na Bestera wantaim ol graun i gat gutpela gras—inap 2-pela taun.

  • Josua 21:32
    Nupela Taim Trenslesen Bilong Ol Skripsa Holi

    • 32 Na traib bilong Naptali i givim ol taun bilong hait+ em man i kilim i dai narapela man i ken go long en, em Kedes+ long Galili wantaim ol graun i gat gutpela gras, Hamot-dor wantaim ol graun i gat gutpela gras, na Kartan wantaim ol graun i gat gutpela gras—inap 3-pela taun.