11 “Tasol sapos man i heitim narapela man+ na em i hait i stap na paitim em nogut tru na em i dai, na dispela kilman i ranawe i go long wanpela bilong ol dispela taun, 12 orait ol hetman long taun bilong em i mas kisim em i kam na putim em long han bilong wanblut bilong man i dai pinis, na em i mas kilim em i dai.+

5 Na sapos wanblut bilong man i dai i ron bihainim em i kam, orait ol i no ken putim dispela man long han bilong wanblut, long wanem, em i no bin heitim wantok na kilim em i dai, nogat, em i popaia na kilim em.+

9 Ol i makim ol dispela taun bilong ol Israel na bilong ol man bilong narapela ples i kam sindaun sotpela taim wantaim ol. Sapos man i no min na em i kilim i dai narapela man, orait em i ken ranawe i go long wanpela bilong ol dispela taun.+ Em i mas mekim olsem na bai em i no ken i dai long han bilong wanblut bilong man i dai, paslain long em i sanap long kot long ai bilong ol hetman.+