65 Jehova i bin tok olsem long ol dispela manmeri: “Yupela bai i dai long dispela ples nating.”+ Olsem na olgeta bilong ol i bin dai pinis. Tasol Kalep, pikinini man bilong Jefune na Josua, pikinini man bilong Nun,+ tupela tasol i no dai.

11 ‘Ol man em krismas bilong ol i 20 na i go antap na ol i bin lusim Isip na i kam, ol i no inap lukim dispela graun+ em mi bin mekim tok tru antap long givim Abraham, Aisak, na Jekop+ bikos ol dispela man i no bin givim bel olgeta long bihainim tok bilong mi. 12 Tasol Kalep,+ pikinini man bilong Jefune bilong lain Kenas na Josua,+ pikinini man bilong Nun, tupela tasol bai lukim dispela graun, long wanem, tupela i bin givim bel olgeta long bihainim tok bilong Jehova.’+

34 “Jehova i harim olgeta tok yupela i mekim na em i belhat na i tok tru antap olsem,+ 35 ‘Yupela ol manmeri nogut i no inap go insait long dispela gutpela graun em mi bin tok tru antap long givim long ol tumbuna papa bilong yupela.+ 36 Kalep, pikinini man bilong Jefune, em tasol bai go insait long dispela graun. Dispela graun em i bin wokabaut long en, bai mi givim long em na long ol pikinini bilong em, long wanem, em i bin givim bel olgeta long bihainim tok bilong Jehova.+ 37 (Yupela i mekim na Jehova i belhat long mi na em i tokim mi olsem, “Yu tu bai no inap go insait long dispela graun.+ 38 Josua, pikinini man bilong Nun, i sanap long ai bilong yu,+ em bai go insait long dispela graun.+ Strongim em,*+ long wanem, em bai bringim lain Israel i go kisim dispela graun.”)