19 “Yupela i mas kisim ol nambawan gutpela kaikai i redi long graun bilong yupela na bringim i go long haus bilong Jehova, God bilong yupela.+

“Yupela i no ken boilim pikinini meme long milk bilong mama bilong en.+

14 “‘Sapos yupela i laik givim ol namba 1 kaikai i redi long gaden long Jehova olsem ofa bilong wit samting, orait yupela i mas bringim ol pikinini wit* em yupela i kukim long paia, na wilwilim na ol i bruk bruk. Dispela em i ofa bilong namba 1 kaikai i redi long gaden.+

8 Jehova i tok moa long Aron olsem: “Mi yet mi makim yu long lukautim ol samting em ol manmeri i givim long mi.+ Mi givim yu na ol pikinini man bilong yu ol samting holi em ol manmeri bilong Israel i bringim i kam. Inap oltaim bihain, yupela na ol tumbuna pikinini bilong yupela i ken kisim ol dispela samting.+

12 “Olgeta nambawan hap bilong oil na nupela wain na wit samting, em ol manmeri i kisim long ol namba 1 kaikai i redi long gaden.+ Mi givim ol dispela samting long yupela,+ em ol samting ol manmeri i givim long Jehova.

26 “Taim yupela i go kamap pinis long dispela graun em Jehova, God bilong yupela, i laik givim long yupela, na yupela i kisim dispela graun na sindaun long en, 2 orait yupela i mas kisim ol namba 1 kaikai* i redi long gaden long graun bilong yupela, em ol kaikai yupela i kisim long graun em Jehova, God bilong yupela, i givim long yupela. Na yupela i mas putim ol dispela kaikai long wanpela basket na bringim i go long ples em Jehova, God bilong yupela, i makim bilong nem bilong em i stap long en.+