7 Na em i kisim buk* bilong kontrak na em i ritim long ol manmeri.+ Ol i harim na ol i tok: “Mipela i wanbel long mekim olgeta samting em Jehova i tok long en, na mipela bai bihainim tok bilong em.”+

12 Taim yupela i kaikai na i pulap stret na yupela i wokim ol gutpela haus na stap long en,+ 13 na ol bulmakau na sipsip bilong yupela i kamap planti, na yupela i gat planti silva na gol na planti arapela samting, 14 orait long bel bilong yupela, yupela i no ken hambak+ na dispela i mekim yupela i lusim tingting long Jehova, God bilong yupela, husat i bin kisim yupela long kantri Isip na bringim yupela i kam, em ples we yupela i bin stap sleiv.*+

29 Em hia ol tok bilong kontrak em Jehova i bin tokim Moses long mekim wantaim ol manmeri bilong Israel long Moap. Dispela i skruim kontrak God i bin mekim wantaim ol long Horep.+

26 “Tasol ol i sakim tok bilong yu na bikhet long yu+ na ol i givim baksait long Lo bilong yu.* Ol profet em yu bin salim i kam bilong givim tok lukaut long ol bai ol i mas kam bek long yu, ol i kilim ol i dai. Na ol i mekim ol pasin i bagarapim nem bilong yu.+