23 Na em i tokim ol: “Jehova i tok, tumora em de bilong malolo,* em sabat holi bilong Jehova.+ Olsem na kaikai yupela i laik kukim long aven, orait kukim long aven, na kaikai yupela i laik boilim, orait yupela i ken boilim.+ Na hap kaikai i stap yet, yupela i ken putim i stap inap long moning.”

8 “Yupela i mas tingim olsem de Sabat em i wanpela de holi.+ 9 Yupela i mas mekim olgeta wok bilong yupela insait long 6-pela de.+ 10 Tasol de namba 7 em sabat bilong Jehova, God bilong yupela. Yupela wantaim ol pikinini man na ol pikinini meri, ol wokboi na ol wokmeri, ol animal bilong ples, na ol man bilong narapela ples i sindaun insait long hap* bilong yupela, yupela olgeta i no ken mekim wanpela wok long dispela de.+

13 “Yu mas tokim ol Israel olsem, ‘Yupela i mas bihainim lo bilong mi bilong ol sabat,+ long wanem, dispela em mak bilong kontrak namel long mi na yupela. Ol tumbuna pikinini bilong yupela i kamap bihain bai lukim dispela mak na luksave olsem mi, Jehova, mi mekim yupela i kamap holi.