16 “Yupela i no ken mekim tok giaman long ol arapela manmeri taim yupela i stap olsem witnes long kot.+

23 “Sapos yupela i harim stori long samting i no tru, orait yupela i no ken toktok nabaut long dispela samting.+ Long kot yupela i no ken wok bung wantaim man nogut na kamap witnes i laik bagarapim narapela.+

16 “‘Yupela i no ken raun na mekim tok i krungutim gutnem bilong narapela man.+ Na yupela i no ken mekim samting we inap bagarapim laip* bilong narapela man.*+ Mi Jehova.

16 Sapos wanpela witnes i laik bagarapim narapela man na i sutim tok giaman olsem dispela man i mekim sampela rong,+ 17 orait dispela tupela man wantaim i mas sanap long ai bilong Jehova na long ai bilong ol pris na ol jas i mekim wok long dispela taim.+ 18 Ol jas bai skelim gut+ na sapos man husat i bin tokaut long rong bilong narapela em i giaman witnes na em i sutim tok giaman long narapela, 19 orait dispela man i mas kisim pe nogut ol i makim bilong man em i bin kotim.+ Yupela i mas mekim olsem na bai yupela i rausim dispela pasin nogut namel long yupela.+