9 Jehova i tok moa long Moses: “Mi lukim olsem ol dispela manmeri i gat strongpela het.*+ 10 Olsem na no ken pasim mi, nau bai belhat bilong mi i pinisim ol olgeta. Na larim mi i senisim ol na mekim ol lain pikinini bilong yu i kamap wanpela bikpela lain tru.”+

3 Long dispela pasin ol Israel i bung wantaim ol long lotuim Bal bilong Peor.+ Na Jehova i belhat long ol Israel.

16 Yupela i mas was gut, nogut bel bilong yupela i kirap na yupela go longwe long mi na lotuim ol arapela god na brukim skru long ol.+ 17 Sapos yupela i bihainim dispela pasin, Jehova bai belhat long yupela na em bai pasim skai na ren bai i no inap pundaun.+ Na graun bai i no inap kamapim kaikai na kwiktaim bai yupela i pinis olgeta long dispela gutpela graun em Jehova i givim long yupela.+

14 Na Jehova i belhat nogut tru long ol Israel, so em i larim ol man i kam pait long ol na stilim ol samting bilong ol.+ Em i putim ol long han bilong ol birua i stap klostu long ol,+ na ol i no inap sanap strong na pait long ol birua bilong ol.+