10 Na yu bin wokim ol bikpela wok na ol mirakel bilong daunim Fero* na ol wokman bilong em na ol manmeri bilong kantri bilong em.+ Yu mekim olsem, long wanem, yu save ol i hambak na mekim nogut long ol+ tumbuna bilong mipela. Na ol man i bin givim biknem long yu i kam inap long nau.+ 11 Na long ai bilong ol, yu bin brukim solwara long tupela hap na ol i wokabaut long graun i drai+ i go long hapsait. Na yu bin tromoi ol birua bilong ol i go insait long solwara na ol i go daun insait olgeta long biksi olsem ston.+

20 Yu bin wokim ol bikpela wok na ol mirakel long Isip, em ol man i save long en long bipo i kam inap nau. Olsem na olgeta Israel na olgeta manmeri i save long nem bilong yu,+ olsem long nau tu ol i save long en.