2 “Yupela i mas givim olgeta fesbon pikinini man* bilong yupela ol Israel long mi. Ol fesbon pikinini man bilong yupela na bilong ol animal, ol i bilong mi.”+

30 Yupela i mas mekim dispela samting long namba 1 pikinini bilong bulmakau na sipsip bilong yupela.+ Bihain long em i kamap, em bai stap 7-pela de wantaim mama bilong en, na long namba 8 de, yupela i mas givim long mi.+

13 Olgeta namba 1 pikinini i bilong mi.+ Long taim mi bin kilim i dai olgeta namba 1 pikinini long Isip,+ mi bin makim olgeta namba 1 pikinini bilong ol man na bilong ol animal long Israel i bilong mi yet.+ Olgeta i bilong mi. Mi Jehova.”

15 “Olgeta namba 1 pikinini bilong olgeta samting i gat laip+ em ol i givim long Jehova, maski em i pikinini bilong man o bilong animal, em i bilong yupela. Tasol yupela i mas baim bek fesbon pikinini bilong ol manmeri,+ na yupela i mas baim bek namba 1 pikinini bilong ol animal i no klin.+

17 Tasol ol manmeri i no inap baim bek namba 1 pikinini bilong bulmakau na sipsip na meme.+ Ol dispela animal i holi. Yu mas kisim blut bilong ol na tromoi liklik liklik long alta+ na kukim gris bilong ol olsem ofa yupela i kukim long paia i kamapim gutpela smel i go long Jehova.+