22 Taim ol i go long Negev, ol i go kamap long Hebron,+ em ples we Ahiman, Sesai, na Talmai,+ em ol Anak+ i stap long en. Sampela lain i bin wokim taun Hebron 7-pela yia paslain long ol i bin wokim taun Soan bilong Isip.

33 Na long dispela hap, mipela i lukim ol traipela longpela man,* em ol pikinini man bilong Anak,+ na ol tumbuna pikinini bilong ol Nefilim. Mipela i lukim ol na mipela i pilim olsem mipela ol grasopa tasol. Na ating ol tu i lukim mipela olsem ol grasopa tasol.”