4 Tasol i no gat wanpela namel long yupela bai i stap rabis, long wanem, Jehova bai blesim yupela+ long dispela graun em Jehova, God bilong yupela, bai givim long yupela bilong sindaun long en.

7 “Sapos wanpela brata bilong yupela i stap rabis long wanpela taun bilong yupela long graun em Jehova, God bilong yupela, i givim long yupela, orait yupela i no ken givim baksait long em o pasim han bilong yupela na i no helpim em.+

10 Yupela i mas amamas long givim ol samting long em,+ na yupela* i no ken bel hevi na givim, long wanem, long dispela as Jehova, God bilong yupela, bai blesim ol wok na ol samting yupela i laik mekim.+

34 Sapos yupela i givim dinau* long ol man yupela i ting olsem ol bai bekim, orait yupela bai kisim wanem tenkyu long dispela?+ Ol sinman tu i save givim dinau long ol arapela sinman bilong ol i ken kisim bek wankain samting. 35 Tasol yupela i mas laikim yet ol birua bilong yupela na mekim yet gutpela pasin na givim yet dinau, na no ken ting long kisim bek wanpela samting.+ Na pe bilong yupela bai i bikpela tru, na yupela bai stap pikinini bilong God Antap Tru, long wanem, em i save mekim gutpela pasin long ol man i no gat pasin bilong tok tenkyu na ol man nogut.+