3 Taim em i bosim strong kantri, em i kilim i dai ol wokman bilong em husat i bin kilim i dai papa bilong em, husat i bin i stap king.+ 4 Tasol em i no kilim i dai ol pikinini man bilong ol dispela man, long wanem, em i mekim samting i stret wantaim tok i stap long Lo, long buk bilong Moses, we Jehova i tok: “Ol papa i no ken dai long ol sin bilong ol pikinini bilong ol, na ol pikinini i no ken dai long ol sin bilong ol papa bilong ol; tasol wan wan man i mas dai long sin bilong em yet.”+