7 “Sapos wanpela brata bilong yupela i stap rabis long wanpela taun bilong yupela long graun em Jehova, God bilong yupela, i givim long yupela, orait yupela i no ken givim baksait long em o pasim han bilong yupela na i no helpim em.+

10 Yupela i mas amamas long givim ol samting long em,+ na yupela* i no ken bel hevi na givim, long wanem, long dispela as Jehova, God bilong yupela, bai blesim ol wok na ol samting yupela i laik mekim.+

38 Bihainim pasin bilong givim ol samting long ol man, na ol bai givim ol samting long yupela.+ Ol bai kapsaitim planti samting tru i go long laplap bilong yupela na ol bai i sakim i go daun na seksekim na pulapim inap long em i kapsait. Pasin yupela i mekim long ol man, ol bai mekim wankain pasin long yupela.”

6 Tingim dispela: Man i planim liklik kaikai tasol, em bai kamautim liklik kaikai, na man i planim planti kaikai, em bai kamautim planti kaikai.+

17 Tasol man husat i gat mani na kaikai samting na em i lukim brata bilong em i sot na em i no laik sori long em, orait olsem wanem pasin bilong laikim God i stap long em?+