21 “Yupela i no ken mekim nogut long man bilong narapela ples i kam stap wantaim yupela o daunim em,+ long wanem, bipo yupela tu i bin stap olsem man bilong narapela ples long kantri Isip.+

22 “Yupela i no ken mekim nogut long wanpela wido o long wanpela pikinini i no gat papa.*+

17 Jehova, God bilong yupela, em God bilong olgeta god,+ na Bikpela bilong olgeta bikpela, em i bikpela God na i gat bikpela strong, na em i save mekim ol narakain strongpela wok. Na em i save mekim wankain pasin long olgeta man+ na em i no save orait long kisim samting olsem braib. 18 Em i save mekim stretpela pasin long ol pikinini i no gat papa* na long ol wido meri,+ na em i save laikim ol man bilong narapela ples i stap wantaim yupela+ na em i save givim kaikai na klos long ol.

5 “Mi bai kam bilong skelim yupela, na kwiktaim mi bai kotim ol posinman,+ ol man i save mekim pasin adaltri,* ol man i giaman long mekim tok tru antap,+ ol man em ol i no save baim gut ol wokman ol i haiarim,+ na ol man i save mekim nogut long ol wido na ol pikinini i no gat papa,*+ na ol man em ol i no laik helpim ol man bilong arapela kantri.+ Dispela ol man i no pret long mi,” Jehova, bosman bilong bikpela lain ami i tok olsem.

27 Pasin bilong mekim lotu i klin na i no gat doti long en long ai bilong God Papa bilong yumi i olsem: yumi mas lukautim gut ol pikinini i no gat papamama+ na ol wido,+ na helpim ol long karim ol hevi bilong ol.+ Na yumi mas stap longwe olgeta long pasin doti bilong dispela graun.+