• Lo 4:6
    Nupela Taim Trenslesen Bilong Ol Skripsa Holi

    • 6 Yupela i mas bihainim gut ol dispela lo,+ long wanem, ol dispela lo bai helpim yupela long bihainim savetingting+ na gutpela save+ long ai bilong ol man. Na taim ol i harim tok long ol dispela lo, ol bai tok, ‘Dispela bikpela lain manmeri i gat savetingting na gutpela save.’+

  • Lo 8:18
    Nupela Taim Trenslesen Bilong Ol Skripsa Holi

    • 18 orait yupela i mas tingim olsem Jehova, God bilong yupela, i bin givim yupela strong bilong kisim ol gutpela samting.+ Em i mekim olsem bilong inapim kontrak em i bin tok tru antap long en long ol tumbuna papa bilong yupela, olsem em i mekim i kam inap long nau.+

  • Josua 1:7, 8
    Nupela Taim Trenslesen Bilong Ol Skripsa Holi

    • 7 “Tru tumas, yu mas strongim bel na sanap strong tru na bihainim gut olgeta Lo em wokman bilong mi, Moses, i bin givim long yu. Yu no ken bihainim narapela rot.+ Olsem bai yu ken bihainim savetingting long olgeta hap yu go long en.+ 8 Ol tok bilong buk bilong Lo i no ken lusim maus bilong yu.+ Long san na long nait, yu mas ritim isi isi,* olsem bai yu inap bihainim olgeta tok i stap long dispela Lo.+ Sapos yu mekim olsem, orait olgeta samting yu mekim bai kamap gutpela na yu bai bihainim savetingting.+

  • 1 King 2:3
    Nupela Taim Trenslesen Bilong Ol Skripsa Holi

    • 3 Yu mas harim tok bilong Jehova, God bilong yu, na wokabaut long rot em i makim na bihainim olgeta tok bilong em, ol lo bilong em, na ol tok bilong em bilong kirapim gen tingting olsem i stap long Lo Bilong Moses;+ sapos yu mekim olsem, orait olgeta hap yu go long en na olgeta wok yu mekim bai kamap gutpela.

  • Buk Song 103:17, 18
    Nupela Taim Trenslesen Bilong Ol Skripsa Holi

    • 17 Tasol gutpela pasin laikim* bilong Jehova i save stap oltaim oltaim

      Na em i save soim long ol man i pret long em,+

      Na em i save mekim stretpela pasin long ol pikinini bilong ol na long ol pikinini bilong ol i kamap bihain,+

      18 Em i save soim dispela pasin long ol man i bihainim kontrak bilong em+

      Na ol man i bihainim gut ol tok bilong em.