14 Tasol nau yu no inap i stap king longpela taim.+ Yu no bin bihainim tok bilong Jehova,+ olsem na Jehova bai painim wanpela man i save mekim ol samting i stret wantaim ol tingting i stap long bel bilong em.+ Na Jehova bai putim dispela man i stap king na bosim ol manmeri bilong em.”+

28 Na Samuel i tokim em olsem: “Harim! Nau Jehova i rausim yu long wok king long Israel. Na em bai givim dispela wok long narapela man. Dispela man em i gutpela man moa winim yu.+

8 Sol i harim dispela song na em i no amamas. Em i belhat+ na i tok: “Ol i tok olsem Devit i kilim i dai planti planti tausen man, tasol ol i tok mi kilim i dai planti tausen. Ating i no longtaim na ol bai laikim em i kamap king!”+

31 Taim dispela pikinini man bilong Jesi i stap yet, yu na wok king bilong yu i no inap i stap oltaim.+ Olsem na salim wanpela man i go na kisim em i kam, long wanem, i stret em i mas i dai.”*+

17 Jonatan i tokim em olsem: “Yu no ken pret. Papa bilong mi i no inap bagarapim yu; yu bai kamap king bilong Israel+ na mi bai stap aninit long yu; na papa bilong mi i save tu long dispela samting.”+