13 Orait Samuel i tokim Sol olsem: “Yu mekim longlong pasin stret. Yu no bihainim tok em God bilong yu, Jehova, i bin givim long yu.+ Sapos yu bin bihainim tok bilong em, orait Jehova bai larim yu na ol lain bilong yu i bosim Israel oltaim. 14 Tasol nau yu no inap i stap king longpela taim.+ Yu no bin bihainim tok bilong Jehova,+ olsem na Jehova bai painim wanpela man i save mekim ol samting i stret wantaim ol tingting i stap long bel bilong em.+ Na Jehova bai putim dispela man i stap king na bosim ol manmeri bilong em.”+

17 Jonatan i tokim em olsem: “Yu no ken pret. Papa bilong mi i no inap bagarapim yu; yu bai kamap king bilong Israel+ na mi bai stap aninit long yu; na papa bilong mi i save tu long dispela samting.”+

21 Na Devit i bekim tok long Mikal olsem: “Mi bin kalap kalap na danis long ai bilong Jehova, em man i bin makim mi bilong senisim papa bilong yu wantaim lain bilong em na mekim mi i stap king na bosim ol Israel, em ol manmeri bilong Jehova.+ Olsem na mi bai singsing na amamas long ai bilong Jehova.

8 Na yu mas tokim wokman bilong mi Devit olsem, ‘Jehova, bosman bilong bikpela lain ami,* i tok: “Yu bin stap long ples i gat gutpela gras na yu bihainim ol sipsip+ na mi bin kisim yu na mekim yu i kamap lida bilong ol manmeri bilong mi, ol Israel.+