• 1 Samuel 2:31-34
    Nupela Taim Trenslesen Bilong Ol Skripsa Holi

    • 31 Harim! Wanpela taim bai kamap na bai mi pinisim strong* bilong yu na bilong ol tumbuna bilong yu. Na bai i no gat wanpela man long lain bilong yu bai i stap i go inap long em i kamap lapun.+ 32 Na bai yu lukim mi mekim ol gutpela samting long ol Israel, tasol yu bai lukim wanpela birua i stap long haus bilong mi.+ Na bihain bai i no gat wanpela man long lain bilong yu bai inap kamap lapun. 33 Tasol bai mi larim wanpela man tasol long lain bilong yu i mekim wok bilong mi long alta, na bai yu lukim ol samting nogut i kamap na dispela bai mekim yu i bel hevi stret. Na planti lain bilong yu i kamap bihain, ol birua bai kilim ol i dai long bainat.+ 34 Tupela pikinini man bilong yu, Hopni na Finias, tupela bai i dai long wanpela de tasol. Taim dispela samting i painim tupela, bai yu save olsem dispela tok bilong mi i tru.+

  • Aisaia 55:10, 11
    Nupela Taim Trenslesen Bilong Ol Skripsa Holi

    • 10 Ren na sno i save pundaun long skai

      Na ol i no save go bek nating long skai inap long ol i givim wara long graun na mekim kaikai i kamap,

      Na givim sid long man bilong planim sid na bret long man bilong kaikai,

      11 Olsem tasol tok i lusim maus bilong mi bai mekim ol samting i kamap.+

      Em i no inap kam bek nating long mi, nogat,+

      Em bai kamapim wanem wanem samting mi gat laik long mekim,+

      Na em bai mekim tru olgeta samting olsem mi salim em long mekim.