3 Olsem na yu mas i go waswas na putim sanda long skin bilong yu; na yu mas werim gutpela klos* na go long ples bilong krungutim wit samting. Tasol yu no ken i go kamap long ai bilong em. Yu mas wet i stap inap long em i pinis long kaikai na dring.

2 Olsem na Joap i salim wanpela man i go long Tekoa+ bilong kisim wanpela meri i kam. Dispela meri i smat long tingting. Na Joap i tokim dispela meri olsem: “Mi laik bai yu mekim olsem yu krai sori long wanpela i dai. Na yu mas putim klos bilong sori na yu no ken putim oil long bodi bilong yu.+ Yu mas mekim olsem meri i krai sori longpela taim pinis long wanpela i bin dai.