25 Man i save stap gut long narapela, yu save stap gut long em;+

Man i no gat asua, yu save mekim stretpela pasin long em;+

26 Man i save bihainim klinpela pasin, yu save soim klinpela pasin bilong yu,+

Tasol man i save mekim pasin giaman, em i no inap giamanim yu.+

27 Ol man i no gat nem,* yu save kisim bek ol,+

Tasol ol man i gat pasin antap, yu no save laikim ol.+

28 Jehova, yu tasol yu save laitim lam bilong mi,

God bilong mi em man i save givim lait long mi taim mi stap long tudak.+

29 Yu helpim mi, na mi inap daunim ol man bilong pait na stilim ol samting;+

God i givim strong long mi, na mi inap kalapim banis.+

30 Pasin bilong God tru i stret olgeta;+

Tok bilong Jehova em i klin olgeta.*+