31 Na em i tokim Jeroboam olsem:

“Yu kisim 10-pela hap bilong yu yet, long wanem, Jehova, God bilong Israel, i tok: ‘Mi bai rausim kingdom long han bilong Solomon na bai mi givim yu 10-pela traib.+

32 Na tu, Jeroboam i makim namba 15 de bilong namba 8 mun bilong mekim bikpela bung, wankain olsem bikpela bung i save kamap long Juda.+ Na antap long alta em i bin wokim long Betel,+ em i mekim sakrifais i go long ol imis bilong yangpela bulmakau. Na long Betel em i makim ol pris bilong mekim wok long ol ples antap bilong lotu em i bin wokim.

10 Olsem na mi bai kamapim bikpela hevi long famili bilong Jeroboam, na mi bai pinisim olgeta man* long lain bilong Jeroboam. Na bai mi pinisim tu ol man i no gat helpim na ol man i no gat strong long lain bilong em long Israel. Mi bai rausim olgeta famili bilong Jeroboam,+ olsem man i rausim pekpek na i no gat wanpela liklik hap i stap!

14 Ol Livai i lusim graun bilong ol i gat gutpela gras na ol samting bilong ol+ na ol i kam long Juda na Jerusalem, long wanem, Jeroboam wantaim ol pikinini man bilong em i bin rausim ol long mekim wok pris bilong Jehova.+

3 Olsem na Abiya i kisim 400,000 strongpela soldia em ol i kisim trening pinis+ na ol i go bilong mekim pait. Na Jeroboam i kisim 800,000 strongpela soldia em ol i kisim trening pinis na ol i kam redi long pait.

20 Na Jeroboam i no kamap strongpela king gen long taim bilong Abiya; na bihain Jehova i mekim save long em na em i dai.+