53 Tasol wanpela meri i tromoi antap ston bilong wilwilim wit samting i kam daun na brukim het bilong Abimelek.+ 54 Na wantu em i singautim wokman i save karim ol samting bilong em long pait na em i tok: “Kisim bainat bilong yu na kilim mi i dai, olsem bai ol man i no ken tok long mi olsem, ‘Wanpela meri i kilim em i dai.’” So wokman bilong em i sutim em long bainat na em i dai.

4 Na Sol i tokim man i save karim ol samting bilong em long pait olsem: “Kisim bainat bilong yu na kilim mi i dai, nogut ol dispela man i no katim skin+ i kam na mekim nogut long mi na kilim mi i dai.” Tasol dispela man i pret nogut tru na em i no laik mekim samting em Sol i tok long en. Olsem na Sol i holim bainat na pundaun antap long sap bilong en.+

23 Ahitofel i lukim olsem ol i no bihainim tingting bilong em, olsem na em i go putim satel long donki na sindaun long en na go bek long haus bilong em long taun bilong em.+ Na em i stretim olgeta samting bilong famili bilong em+ na bihain em i go hangamapim em yet+ na em i dai. Na ol i planim em long ples matmat bilong ol tumbuna papa bilong em.