• Jeremaia 10:5
    Nupela Taim Trenslesen Bilong Ol Skripsa Holi

    •  5 Ol dispela imis i no inap toktok, ol i olsem giaman man i stap long gaden kukamba bilong pretim ol pisin;+

      Ol man i mas karim ol, long wanem, ol i no inap wokabaut.+

      Yu no ken pret long ol, long wanem, ol i no inap bagarapim yu,

      Na tu, ol i no inap mekim wanpela gutpela samting.”+

  • Daniel 5:23
    Nupela Taim Trenslesen Bilong Ol Skripsa Holi

    • 23 Yu bin apim nem bilong yu yet winim Bikpela bilong heven,+ na yu tok na ol i bringim ol kap bilong haus bilong em i kam long yu.+ Na yu na ol bikman bilong yu, ol nambatu lain meri na ol narapela meri bilong yu i dring wain long ol na yupela i preisim ol god ol i bin wokim long silva na gol, kopa, ain, diwai, na ston, em ol god i no inap lukim wanpela samting, harim wanpela samting, na save long wanpela samting.+ Tasol yu no bin givim glori long God, yes, em dispela God i gat strong long bosim laip bilong yu+ na olgeta samting yu mekim.

  • Habakuk 2:18, 19
    Nupela Taim Trenslesen Bilong Ol Skripsa Holi

    • 18 Imis man i sapim,

      Em bai helpim em olsem wanem?

      Imis na tisa giaman bai helpim man olsem wanem,

      Maski man bilong wokim em i trastim em,

      Na wokim ol god giaman i no save toktok?+

      19 Man i tok long hap diwai olsem, “Yu kirap!”

      O em i tokim ston i no save toktok olsem, “Yu kirap! Na skulim mipela!” Bagarap bai painim em.

      Harim! Ol i karamapim em long gol na silva,+

      Na em i no save pulim win.+