25 Na Jehu i tokim Bitkar, ofisa bilong em: “Kisim bodi bilong em na tromoi long graun bilong Nabot, em man Jesril.+ Tingim, mitupela i bin ron long karis baksait long papa bilong em, Ahap, taim Jehova yet i bin tokaut long dispela samting bai kamap long Ahap:+ 26 ‘Jehova i tok, “Mi tok tru olsem asde tasol mi bin lukim blut bilong Nabot+ na ol pikinini man bilong em i kapsait.” Na Jehova i tok, “Bai mi bekim blut+ bilong ol long dispela hap graun.”’ Olsem na nau kisim bodi bilong Jehoram na tromoi i go long dispela hap graun olsem Jehova i bin tok.”+

4 Mi tingting gen long olgeta pasin bilong ol man long daunim narapela, em ol i save mekim aninit long san. Mi lukim aiwara bilong ol man em ol arapela i daunim ol, na i no gat man bilong mekim gut bel bilong ol.+ Na ol man i gat pawa i save daunim ol, na i no gat man bilong mekim gut bel bilong ol.