25 Na Jehu i tokim Bitkar, ofisa bilong em: “Kisim bodi bilong em na tromoi long graun bilong Nabot, em man Jesril.+ Tingim, mitupela i bin ron long karis baksait long papa bilong em, Ahap, taim Jehova yet i bin tokaut long dispela samting bai kamap long Ahap:+ 26 ‘Jehova i tok, “Mi tok tru olsem asde tasol mi bin lukim blut bilong Nabot+ na ol pikinini man bilong em i kapsait.” Na Jehova i tok, “Bai mi bekim blut+ bilong ol long dispela hap graun.”’ Olsem na nau kisim bodi bilong Jehoram na tromoi i go long dispela hap graun olsem Jehova i bin tok.”+

7 Taim pas i kamap long ol, wantu ol i kisim ol pikinini man bilong king na kilim ol i dai, inap 70 olgeta.+ Na ol i katim nek bilong ol na putim het bilong ol insait long ol basket na salim i go long Jehu long Jesril.

11 Na tu, Jehu i kilim i dai olgeta arapela lain famili bilong Ahap long Jesril. Na em i kilim i dai tu ol bikman bilong Ahap, ol pren bilong em, na ol pris bilong em.+ Jehu i no larim wanpela i stap laip.+