3 Wanpela taim ol donki* bilong Kis i lus, olsem na em i tokim pikinini man bilong em Sol olsem: “Yu kisim wanpela wokboi na yutupela go painim ol donki.” 4 Orait tupela i kirap i go long ples maunten bilong Efraim na i go long graun bilong Salisa, tasol tupela i no painim ol donki. Bihain tupela i go long graun bilong Seialim, tasol ol donki i no stap long hap. Tupela i go long olgeta hap graun bilong lain Benjamin, tasol tupela i no painim yet ol donki.