29 Orait King Jehoram i go bek long Jesril+ bilong em i ken kamap orait gen long dispela bagarap em i bin kisim long han bilong ol Siria long Rama taim em i pait long King Hasael bilong Siria.+ Na King Ahasia, pikinini man bilong Jehoram bilong Juda, i go daun long Jesril bilong lukim Jehoram, pikinini man bilong Ahap, long wanem, em i bin kisim bagarap.*

21 Na Jehoram i tok: “Redim karis bilong mi!” So ol i redim karis bilong em na King Jehoram bilong Israel na King Ahasia+ bilong Juda i sindaun long karis bilong pait na ol i go bilong bungim Jehu. Na ol i bungim em long hap graun bilong Nabot,+ em man Jesril.

27 Taim King Ahasia+ bilong Juda i lukim dispela samting i kamap, em i ranawe long rot i go olsem long wanpela bikpela gaden.* (Tasol bihain Jehu i bihainim em i go na tok: “Kilim em tu i dai!” Olsem na ol i sutim em long karis bilong em na em i kisim bagarap taim em i wok long i go long Gur, we i stap klostu long Ipleam.+ Tasol em i ranawe yet i go inap long Megido na em i dai long hap.

22 Ol manmeri i stap long Jerusalem i mekim Ahasia, las pikinini man bilong Jehoram, i kamap king na kisim ples bilong Jehoram. Ol i mekim olsem, long wanem, ol lain soldia i save stil, ol i bin kam wantaim ol man bilong Arebia long kem, na ol i kilim i dai olgeta bikpela brata bilong em.+ Olsem na Ahasia, pikinini man bilong Jehoram, i kamap king bilong Juda.+