15 Dispela em stori bilong ol man em King Solomon i kisim ol bilong mekim wok bilong em+ long wokim haus bilong Jehova, haus*+ bilong em yet, wokim Liklik Maunten,*+ na banis bilong Jerusalem, Hasor,+ Megido,+ na Geser.+

20 Bihain long olgeta dispela samting, taim Josaia i stretim pinis tempel,* King Neko+ bilong Isip i kam long Karkemis klostu long Wara Yufretis bilong mekim pait. Orait Josaia i go bilong pait long Neko.+ 21 Na Neko i salim ol man bilong bringim tok i go long Josaia na tok olsem: “King bilong Juda, wai na yu laik pait long mi? Mi no kam bilong pait long yu. Mi kam bilong pait long birua bilong mi, na God i tokim mi long mekim dispela pait.* God i stap wantaim mi, olsem na yu no ken agensim em. Nogut em i bagarapim yu.” 22 Josaia i harim dispela tok God i givim long em long maus bilong Neko, tasol em i strong yet long pait long Neko. Em i senisim klos king na putim arapela klos+ na bai ol i no ken luksave long em, na em i go pait long Neko. Em i go bilong pait long Fletpela Ples Bilong Megido.+

23 Na ol man bilong sut long banara i sutim King Josaia, na king i tokim ol wokman bilong em olsem: “Mi kisim bikpela bagarap pinis. Kisim mi i go lusim dispela ples bilong pait.” 24 Orait ol wokman bilong em i rausim em long karis bilong em na putim em long nambatu karis na bringim em i go long Jerusalem. Na em i dai na ol i planim em long ples matmat bilong ol tumbuna papa bilong em,+ na olgeta manmeri long Juda na Jerusalem i krai sori long Josaia. 25 Na Jeremaia+ i singsing sore long Josaia. Na i kam inap long nau ol man na meri bilong singim ol song,+ ol i save mekim yet ol singsing sore* long Josaia; na dispela pasin bilong singsing sore i kamap olsem wanpela kastam bilong ol Israel, na ol i raitim ol dispela singsing long buk bilong singsing sore.

11 Long dispela taim bai i gat bikpela krai sori long Jerusalem, olsem ol man i krai sori long Hadatrimon long Fletpela Ples Bilong Megido.+