26 Taim mi bagarapim saplai* bilong bret* bilong yupela,+ 10-pela meri inap kukim bret bilong yupela long 1-pela aven tasol na ol bai skelim bret na tilim liklik hap tasol long yupela.+ Yupela bai kaikai, tasol bai yupela i no inap pulap.+

53 Na yupela bai kaikai ol pikinini bilong yupela yet.* Yupela bai kaikai bodi bilong ol pikinini man na pikinini meri bilong yupela+ em Jehova, God bilong yupela, i bin givim long yupela, long wanem, ol birua i banisim yupela strong tru na ol i putim bikpela hevi long yupela.

21 Olsem na King Sedekaia i givim oda na ol i kalabusim Jeremaia long Ples Bung Bilong Ol Wasman.+ Na long olgeta de ol i save kisim wanpela raunpela bret long strit bilong ol man bilong wokim bret na givim long Jeremaia.+ Ol i mekim olsem i go inap long taim bret i pinis long taun.+ Na Jeremaia i stap yet long Ples Bung Bilong Ol Wasman.

2 “Jehova i tok olsem, ‘Man i stap yet long dispela taun em bai i dai long bainat, na bikpela hangre, na bikpela sik.+ Tasol man i putim em yet long han bilong* ol Kaldia, em bai stap laip yet, na em bai abrusim bagarap na laip bilong em i no inap lus.’+

 4 Tang bilong bebi i pas long maus bilong em bikos em i nek drai.

Ol liklik pikinini i raun na askim long bret,+ tasol i no gat man i givim bret long ol.+

16 Na em i tokim mi: “Pikinini bilong man, mi bai katim saplai bilong kaikai* long Jerusalem,+ na ol man bai tingting planti na skelim gut kaikai bilong ol na kaikai inap long mak bilong dispela skel,+ na ol bai pret nogut tru na skelim gut wara bilong ol na ol bai dring inap long mak bilong dispela skel.+

10 “‘“So ol papa i stap long yu bai kaikai ol pikinini bilong ol,+ na ol pikinini bai kaikai ol papa bilong ol, na mi bai mekim save long yu, na long ol manmeri bilong yu i stap yet, mi bai rausim ol i go nabaut long olgeta hap.”’*+

12 Namba 1 hap lain bilong yu bai dai long rot bilong bikpela sik o pinis olgeta long rot bilong bikpela hangre. Na namba 2 hap lain i stap klostu long yu bai dai long rot bilong bainat.+ Na mi bai rausim namba 3 hap lain i go nabaut long olgeta hap,* na mi bai kamautim wanpela bainat na ron bihainim ol.+