105 Tok tenkyu long Jehova,+ singaut long nem bilong em,
Tokim ol manmeri long ol wok bilong em!+
2 Mekim singsing long em, singim ol song bilong preisim em,
Tingim ol gutpela wok bilong em.+
3 Amamas long tokaut long nem holi bilong em.+
Ol man i wok long painim Jehova, ol i ken belgut tru.+
4 Painim Jehova na strong bilong em.+
Oltaim wok long painim pes bilong em.
5 Tingim ol gutpela wok em i bin mekim,
Ol mirakel bilong em na ol disisen bilong kot em i bin autim,+
6 Yupela ol pikinini bilong Abraham, wokman bilong God,+
Yupela ol pikinini bilong Jekop, yupela i lain em i bin makim.+