15 Orait Jehova i salim bikpela sik+ long ol Israel, stat long dispela moning yet na i go pinis long taim em i bin makim. Na 70,000 manmeri i dai,+ kirap long Dan i go inap long Berseba.+ 16 Na ensel i redi long bagarapim Jerusalem, tasol Jehova i bel hevi long bagarap i painim ol manmeri,+ na em i tokim ensel i gat wok bilong bagarapim ol manmeri olsem: “Stop, em inap nau!” Long dispela taim ensel bilong Jehova i stap klostu long ples bilong krungutim wit samting* long graun bilong Arauna,+ em man bilong lain Jebus.+