10 Bihain King Ahas i go bungim King Tiklat-pileser bilong Asiria long Damaskus. Taim King Ahas i lukim alta long Damaskus, em i salim plen bilong dispela alta i go long pris Uraiya. Na dispela plen i soim piksa bilong alta na pasin ol i bin bihainim long wokim dispela alta.+ 11 Orait pris Uraiya+ i bihainim olgeta tok em King Ahas i salim i kam long Damaskus na em i wokim wanpela alta.+ Pris Uraiya i pinisim dispela alta paslain long King Ahas i lusim Damaskus na kam bek.