5 Na em i tokim ol: “Yupela i go stap 3-pela de pastaim; na bihain yupela kam bek long mi.” So ol manmeri i lusim em na go.+ 6 Orait King Rehoboam i go toktok wantaim ol hetman em ol i bin mekim wok bilong papa bilong em, Solomon, taim em i bin stap laip yet. Na em i tok: “Yupela i ting mi mas givim wanem bekim long ol dispela manmeri?” 7 Na ol i tokim em: “Sapos nau yu kamap wokman bilong ol dispela manmeri na yu mekim ol samting olsem ol i bin askim yu long en na yu givim gutpela bekim long ol, orait oltaim ol bai stap ol wokman bilong yu.”