2 Long namba 3 yia, King Jehosafat+ bilong Juda i go daun long lukim king bilong Israel.+ 3 Na king bilong Israel i tokim ol wokman bilong em olsem: “Yupela save tu olsem Ramot-gileat+ em taun bilong yumi? Tasol yumi wok long surik long kisim bek dispela taun long king bilong Siria.” 4 Na em i tokim Jehosafat: “Bai yu go pait wantaim mi long Ramot-gileat o nogat?” Na Jehosafat i bekim tok bilong king bilong Israel olsem: “Mi na ol manmeri bilong mi wantaim ol hos bilong mi bai go wantaim yu.”+

2 Na Jehu,+ pikinini man bilong Hanani,+ em man bilong lukim ol visen, i go bungim King Jehosafat na i tokim em olsem: “Yu ting em i stret long helpim ol man nogut+ na laikim ol man i heitim Jehova, a?+ Yu bin mekim dispela kain pasin, olsem na Jehova i belhat long yu.