12 “Taim yu mekim sensas, na kaunim namba bilong ol man Israel,+ olgeta wan wan man i mas givim pe long Jehova bilong baim bek laip bilong ol yet taim ol i wokim sensas. Ol i mas mekim olsem na bai samting nogut i no ken kamap long ol taim ol i rejistaim ol. 13 Olgeta man em ol i rejistaim, ol i mas givim ol dispela samting: hap sekel* i stret long mak bilong sekel bilong ples holi.*+ Twenti gera* em inap long mak bilong 1-pela sekel. Hap sekel em kontribiusen i go long Jehova.+ 14 Olgeta man em ol i rejistaim husat i gat 20 krismas na i go antap i mas givim kontribiusen long Jehova.+ 15 Ol maniman i no ken givim planti na ol rabisman i no ken givim liklik. Olgeta i mas givim hap sekel* olsem kontribiusen long Jehova bilong baim bek laip bilong ol. 16 Yu mas kisim dispela mani silva long ol Israel em ol i givim bilong baim bek ol yet na putim bilong lukautim ol wok long haus sel bilong bung. Na em bai stap olsem samting Jehova i lukim na tingim ol Israel, na dispela bai baim bek laip bilong ol.”

32 “Na long olgeta yia bai mipela olgeta wan wan i givim wanpela liklik silva koin,* em hevi bilong en inap olsem 4-pela gram, bilong mekim wok long haus* bilong God.+

24 Taim ol i kamap pinis long Kaperneam, ol man bilong kisim takis bilong 2 drakma koin,* ol i kamap long Pita na tok: “Tisa bilong yupela i save baim takis bilong 2 drakma koin o nogat?”+