28 Ahas+ i gat 20 krismas taim em i kamap king, na em i stap king long Jerusalem inap 16 yia. Tasol em i no mekim ol pasin i stret long ai bilong Jehova, olsem tumbuna papa bilong em, Devit, i bin mekim.+ 2 Nogat. Em i bihainim pasin bilong ol king bilong Israel.+ Na em i wokim tu ol imis+ bilong ol god Bal long ain samting.

24 Na tu, Ahas i kisim olgeta samting ol i wokim long gol na i stap long haus bilong God tru;+ bihain em i brukbrukim i go liklik liklik ol dispela samting i stap long haus bilong God tru, na em i pasim ol dua long haus bilong Jehova,+ na em i wokim ol alta bilong em yet long olgeta hap bilong Jerusalem.