Wastaua INTENET LAIBRERI

2 Stori 15:2

Nupela Taim Trenslesen Bilong Ol Skripsa Holi
- 2 Na em i go na bungim Asa na tokim em: “Harim! Asa na yupela olgeta Juda na Benjamin, Jehova bai stap wantaim yupela sapos yupela i stap wantaim em;+ na sapos yupela i painim em, em bai kamapim em yet long yupela;+ tasol sapos yupela i givim baksait long em, orait em bai givim baksait long yupela.+

Aisaia 55:7

Nupela Taim Trenslesen Bilong Ol Skripsa Holi
- 7 Man nogut i mas lusim pasin nogut bilong em+
  Na man i gat tingting nogut i mas rausim tingting nogut bilong em;
  Em i mas kam bek long Jehova, em man husat bai marimari long em,+
  Em i mas kam bek long God bilong yumi, bikos em bai fogivim em olgeta.*+

Jems 4:8

Nupela Taim Trenslesen Bilong Ol Skripsa Holi
- 8 Yupela i mas i go klostu long God, na em bai kam klostu long yupela.+ Yupela ol sinman, yupela i mas mekim han bilong yupela i kamap klin.+ Na yupela ol man i gat tupela tingting, yupela i mas mekim bel bilong yupela i kamap klin.+