14 Bipo Nebukatnesar i bin kisim ol samting long tempel bilong God long Jerusalem, em ol i bin wokim long gol na silva, na bringim i go na putim long tempel long Babilon. Bihain King Sairus i kisim ol dispela samting i stap long tempel bilong Babilon,+ na givim long wanpela man nem bilong em Sesbasar.*+ Sairus i bin makim dispela man long i stap gavana.+

16 Orait dispela man Sesbasar i kam na i wokim as bilong haus bilong God+ long Jerusalem; na wok i stap yet kirap long dispela taim na i kam inap nau na i no pinis yet.’+

1 Long namba 2 yia bilong King Darius, long de namba 1 bilong namba 6 mun, Jehova i givim tok bilong em long profet Hagai.*+ Na em i autim dispela tok long Serubabel,+ gavana bilong Juda, em pikinini man bilong Sealtiel, na long hetpris Josua, pikinini man bilong Jehosadak. Em i tok olsem:

14 Olsem na Jehova i kirapim bel+ bilong Serubabel, gavana bilong Juda,+ em pikinini man bilong Sealtiel, na bel bilong hetpris Josua,+ pikinini man bilong Jehosadak, na bel bilong olgeta manmeri; na ol i kam na ol i kirap long wokim gen haus bilong Jehova, bosman bilong bikpela lain ami, em God bilong ol.+

23 “Jehova, bosman bilong bikpela lain ami i tokaut olsem, ‘Long dispela de bai mi kisim yu, wokman bilong mi, Serubabel,+ pikinini man bilong Sealtiel,’+ Jehova i tok olsem, ‘na mi bai mekim yu i kamap olsem wanpela ring bilong putim mak, long wanem, mi makim yu wanpela tasol,’ Jehova, bosman bilong bikpela lain ami i mekim dispela tok.”